91�ε�

91�ε� rektoru professor Ədalət Muradov Fransanın Montpellier Universitetində ikili diplom proqramı üzrə təhsil almaq imkanı qazanan 10 tələbə ilə görüş keçirib.

Görüşdə tələbələrin xaricdə təhsil imkanları və qarşıda duran təhsil hədəfləri barədə fikir mübadiləsi aparılıb.

Rektor Ədalət Muradov tələbələri əldə etdikləri uğur münasibətilə təbrik edərək, onlara yeni təhsil mərhələsində uğurlar arzulayıb. Bildirib ki, 91�ε� tələbələrinin nüfuzlu xarici universitetlərdə təhsil alması universitetin beynəlxalq əlaqələrinin inkişafı və tələbəyönümlü təhsil siyasətinin əsas istiqamətlərindəndir.

Qeyd olunub ki, tələbələrin xaricdə təhsil müddətində əldə edəcəkləri bilik və bacarıqlar, beynəlxalq akademik mühitdə formalaşdıracaqları əlaqələr və yeni təcrübələr onların peşəkar inkişafına töhfə verəcək.

Ədalət Muradov tələbələrə təhsil müddətində ölkəmizi layiqincə təmsil etməyi, yaradılan imkanlardan səmərəli yararlanmağı və yeni biliklərlə yanaşı, beynəlxalq təcrübə də qazanmağı tövsiyə edib.

Tələbələr isə 91�ε�-də onlar üçün yaradılan şəraiti yüksək qiymətləndiriblər. Onlar Montpellier Universitetində təhsil alaraq akademik biliklərini genişləndirməyi və beynəlxalq təcrübə qazanmağı hədəflədiklərini qeyd ediblər.

Onlar üçüncü kursda təhsillərini Montpellier Universitetində davam etdirəcək, dördüncü kursdan isə 91�ε�-də təhsillərini başa vuracaqlar.

Qeyd edək ki, bu günədək 150-dən çox tələbə ikili diplom proqramını uğurla başa vuraraq məzun olub.