91�ε�

2026/2027-ci tədris ilində Azərbaycan Dövlət İqtisad Universitetinin (91�ε�) Maliyyə və mühasibat fakültəsinin “Maliyyə” və “Mühasibat” ixtisasları üzrə təhsilin I ilinə qəbul olmuş tələbələri ilə görüşlər keçirilib.

Görüşlərdə Maliyyə və mühasibat fakültəsinin dekanı dosent Hafis Hacıyev, “Maliyyə və audit” kafedrasının müdiri professor Əvəz Ələkbərov və fakültə əməkdaşları tələbə adını qazanmış gəncləri təbrik edərək, onları qarşıda gözləyən yeni təhsil mərhələsinin yaratdığı imkanlar və üzərlərinə düşən məsuliyyətlər barədə məlumatlandırıblar, müasir əmək bazarının tələblərinə uyğun bilik və bacarıqlara yiyələnməyin, peşəkar inkişaflarını davamlı şəkildə təmin etməyin vacibliyini vurğulayıblar və gələcəkdə yüksək ixtisaslı maliyyə və mühasibatlıq mütəxəssisləri kimi formalaşaraq ölkənin sosial-iqtisadi inkişafına və iqtisadi potensialının gücləndirilməsinə mühüm töhfələr verəcəklərinə əminliklərini ifadə ediblər.

Fakültə dekanı dosent Hafis Hacıyev çıxış edərək 2026/2027-ci tədris ilində fakültəyə “Maliyyə” ixtisası üzrə 300 tələbə, “Mühasibat” ixtisası üzrə isə 224 tələbə olmaqla ümumilikdə 524 tələbənin qəbul olunduğunu, 4 tələbənin 600 və daha yuxarı bal topladığını, “Maliyyə” ixtisası üzrə minimal keçid balının 499,5 bal, “Mühasibat” ixtisası üzrə minimal keçid balının isə 367,1 bal olduğunu qeyd edib. H.Hacıyev görüşlərdə “Maliyyə” ixtisası üzrə ən yüksək balın (626,3 bal) Yasin Cəfərov tərəfindən, “Mühasibat” ixtisası üzrə ən yüksək balın (497,3 bal) isə  Gülay İmanova tərəfindən topladığını, fakültəyə qəbul olan tələbələrdən 15 nəfərin əcnəbi vətəndaş olduğunu vurğulayıb.

Görüşlərdə tələbələrə Universitetin və fakültənin infrastrukturu, təhsil aldıqları ixtisasların xüsusiyyətləri və üstünlükləri, 91�ε�-də tətbiq edilən təhsilin idarəetmə sistemi, akademik təqvim, tədris prosesinin və imtahanların təşkili, həyata keçirilən təqaüd, mübadilə və beynəlxalq ikili diplom, UDİD və MİNOR proqramları, “Bir pəncərə” xidməti, Kitabxana-İnformasiya Mərkəzi, Psixoloji Xidmət Mərkəzi, fəaliyyət göstərən tələbə təşkilatları və s. barədə ətraflı məlumat verilib.

Tədbirin sonunda tələbələrin fikirləri dinlənilib və onları maraqlandıran suallar cavablandırılıb.